اللون البدوى في الشعر والغناء واللبس له
شكل ومظهر معين وعريق فهو من مظاهر
الحياه التراثيه
امغير لعزيز عزيز….قولت عزيز ماهى ساهله
زعما يا عزيز اتصير …نخطر عليك وتحوس حوستى
اندمت فى ابكاى عليه .. عزيز كى تعاميت باعنى
ليش يا عزيز ادير الصوب…بنت عابي عالخطا
خذا عزيز مني عقل…..ويريد زاد ياخذك يا النظر
ما عاد عزيز كيف عزيز…. نلقولك ولا عاد تسكتي
فراق العزيز صعيـب ……………والصبر في فراقا كادني
عزيز قلت له واندمت .. .. انساني نسيني وما انتسى
منى عزيز ويش ايريد …… وهو غلا من روحى على
اثنين صعبات عليك……نسوة عزيز ياعين والرجا
العين في غياب عزيز…….حتي عالبكا مو قادرة
منحوت في بياض العظم ..عزيز نسوته ماهي ساهله
عزيز هو رفيق العمر .. يقصر إيطول ما يوم ينتسى
حتى لو عزاز انكرو ……نحلف عليه عقلي عندهم
مازلت نا هونا لادرت حوش ولا لقيت مراء انموت خيرلى
مازال نا العزابى ومازال نرجا فى القروض وعابى
ومازال تحت الحيط نا وصحابى لابيع بعنا ولاهناك شراء
وياصاحبى بالحال مانك غابى تمت علينا جايزه الزكاه
منامي جاب نظيف الخد ونا راقد تهيالي نحسابه
كلمات اغاني بدويه
غناوى علم فاهق العزيز
كلام اغنية بدوى
- الفاهق غناوي علم
- شتاوي بدويه مكتوبة
