تحاول السيدات محاولات كثيره لكي تكون حامل وتسرد
حكايتها مع هذه التجربه لتنفع بها الاخريات
السلام عليكم
بتنمى الي بكتبو يكون سبب لحمل بعض الاخوات
اللهم امين
انا حملت بعد سنة وسبع شهور
وكنت كل شهر استنى الحمل وانقهر بس تيجي الدورة
وضل دور على النت عن تجارب حمل ووصفات للحمل وطرق للحمل و الخ .
كنت روح على دكتور وتنين وتلاته
وعلى منشطات ادوية بدووون فايده
لحد مرة اخدت منشط و كنت على نار انو احمل وتاخرت الدورة حكيت
خلص انا حامل
واااه واااه اجت الدووورة يالله شوو نقهرت اتووجعت كتير وعلى دمووع وبكي
حسين سكاكين بتقطع قلبي
حكيت خلص خلص انا تعبت تعبت كل شهر على استنا الدورة وتنزل واخدت
ادوية واستنى التبويض مشان الجماع وبعدين فكر هل انا حامل
وشوف هل اعراض هاي اعراض حمل ولا دوووورة هاي اعراض شوو وتنزل
الدورة والشهر البعدي نفس الروتين
لايمتى لأيمتى اناااا تعبت خللص تعبت بطلت قادرة اتحمل
وقررت انسى الحمل
وفكر بحالي لانو كل تفكيري كان بس بلحمل ونسيت حالي ونصحت كم
كيلو احم احم هم مش كم كيلو هم 16 كيلو بصراحه هههههه
وبلشت زبط جسمي واضعف وكان عنا عرس قريبنا صرت فكر في شو
البس كيف اعمل شعري وهيك
ومضى شهرين وخلص العرس وارتاحت نفسيتي لانو عنجد نفسيتي تعبت
من التفكير بلحمل
بعدين رجعت لعند دكتوري
اعطاني علاج اول شهر بس مش لحمل كان عندي خربطت دورة
وهسا اجى الشهر التاني ركزووو منيح معي
رحت على الدكتور اعطاني نوع دوا متل المنشط بحفز هرمون الاستروجين
لمدة خمس ايام من ثالث يوم الدورا بس انا ما اعتمدت بس على الدوا
صرت ادعي وادعي وادعي
وكنت كل يوم
احكي استغفر الله العظيم لذنبي و للمؤمنين والمؤمنات والمسلمين والمسلمات
الاحياء منهم والاموات … 100 مرة
وسبحان الله وبحمده . سبحان الله العظيم … 100 مرة
ولا حول ولا قوة الا بلله .. 100 مرة
وصلاة على النبي .. 100 مرة
ولا اله انت سبحانك اني كنت من الظالمين 100 مرة
واشرب زنجبيل طازة على الريق
والدوا اخدو عند المغرب مشان ما يأثرو على بعض
وجبت فحص التبويض وصار جماع فترة التبويض
كنت قبل الجماع احكي اللهم جنبنا الشيطان وجنب الشيطان مما رزقتنا
وما كنت انسى اذكار الصباح والمساء
وكنت بركوع بصلاتي ادعي اللهم سخر لي اسباب حملي هل شهر
وفعلا حملت بهداك الشهر وهلا صارلي 4 شهور ونص ادعوو لي يتمم لي
حملي وينولد جنيني بصحة وعافية
تجاربي للحمل
حكاية لكل من تحاول الانجاب
تجربة حملى المفرحه
